Yangiliklar

OneID: Shaxsiy ma’lumotlar daxlsizligi — har doim ustuvor vazifa

Raqamli xizmatlardan foydalanishda xavfsizlik madaniyati juda muhim. Ma’lumotlar xavfsizligini ta’minlash maqsadida qo‘shimcha choralar ko‘rildi hamda shaxsiy ma’lumotlaringizni sizning roziligingiz asosida boshqa tizimlarga taqdim etish yoki cheklash imkoniyati yo‘lga qo‘yildi.

Agar siz shaxsiy ma’lumotlaringizni boshqa tizimlar va tashkilotlarga (bank, moliya, sug‘urta, telekommunikatsiya va boshqalar) berishni xohlasangiz, OneID tizimi orqali ularni taqdim etish yoki cheklash imkoniyatidan foydalanishingiz mumkin:
- Kompyuter orqali id.egov.uz saytiga o‘ting.
- Tizimda ro‘yxatdan o‘tmagan bo‘lsangiz, buni bajaring.
- Saytda ko‘rsatilgan usullar bilan tizimga kiring.
- ERI (imzo) yoki Mobile-ID yordamida "Shaxsga doir ma’lumotlarni boshqarish" bo‘limida xizmatni faollashtiring.
- Kerakli tashkilot qarshisidagi qulf belgisini oching yoki yoping.

Maslahat: Agar OneID tizimga QR-kod orqali kirish usulini tanlasangiz, "Shaxsga doir ma'lumotlarni boshqarish" bo‘limi avtomatik faollashadi:

Mobil qurilmangizga GooglePlay https://play.google.com/store/apps/details?id=uz.egov.oneId yoki AppStore https://apps.apple.com/uz/app/oneid-mobile/id1617964681 dan OneID ilovasini yuklab oling.

- Mobile-ID yoki MyID orqali tezkor avtorizatsiyadan o‘ting.

- Ilovaning quyi qismidagi skanerlash tugmasini bosing va kompyuteringiz ekranidagi QR-kodni skanerlang.

Hurmatli foydalanuvchilar!

Ma’lumotlarga kirishni cheklash — bu ortiqcha ovoragarchilik emas, balki kiberjinoyatchilikdan himoyalanishning eng samarali usulidir. O‘z xavfsizligingizga mas’uliyat bilan yondashing.

Sizning ma’lumotlaringiz — o‘z nazoratingizda!

Yaratilgan vaqt:

06.02.2026

Ko‘rishlar soni: 12